giovedì 26 maggio 2011

Si penso all’acqua…
di Francesco Aliperti Bigliardo
maggio 2011

L’acqua nun è borza e nemmeno ‘nu lampadario,
Nun è ‘nu rilorgio né, tantomeno, a frase e ‘nu rimario.
È ‘na cosa pulita, che te fa penzà... all’aria
Acqua: pe me, a cchiù bella parola do vocabolario!

Chi po dicere allora: “questa è una mia parola, è di mia proprietà!”?
ma che è parole se vendono, s’accatta forse a felicità?
Perciò me scapp’a ridere e me fanno assaje parià
Quelli che pensano regole e leggi pe chi sa vo accattà.

Po dint’a sti pensieri se ’ngradica nu senso d’amarezza
Quaccosa di assai sgradevole, chiù forte da tristezza
Me sento ‘nu cacciuttiello ‘nserrato dint’a ‘na rezza
Nu senso d’oppressione che ‘o core mo se spezza!

“No!”, dice’o core “l’acqua è libera, così da quando è nata!”
E tale vo rimanè, è chiaro a tutti, ne piezz’e scurnacchiate?
O dico a te, cu sta cravatta ‘nganno, che con la buona maniera
Alluonghe tutt’e doje e mmane pe te ‘nturtià a guantiera!

Levate e mmane da lloco, maniate de briganti!
l’acqua nun è de nisciuno perciò è de tutti quanti!
Ma che vi site mise ‘ncapa e ce levà pur’e mutande?
E allora, accort’a vuje, che a capa nostra, nun è accussì vacante!

Sì, ci siamo organizzati perché da questa stupida filastrocca
Ne esca un messaggio chiaro, che non riempia solo la bocca
Che dica in ogni posto ‘na cosa che non è affatto sciocca
L’acqua è dell’umanità intera… l’acqua, non si tocca!